மேற்கு தொடர்ச்சி மலை செண்பகத்தோப்பு பகுதியில் இருந்து 10க்கும் மேற்பட்ட குரங்குகள் கடந்த சில மாதங்களாக ஸ்ரீவில்லிபுத்தூர் நகர் பகுதியில் மேல ரத வீதி, மாட வீதி, ஆண்டாள் கோயில், சக்கரைகுளம், என்.ஜி.ஓ. காலனி, நீதிமன்றம் பகுதிகளில் சுற்றி திரிந்தது.

இதில் ஆண்டாள் கோயில் பகுதியில் சுற்றி பிறந்த 6 குரங்குகளையும், நீதிமன்றத்தில் திரிந்த 2 குரங்குகளையும் ஏற்கனவே வனத்துறையினர் கூண்டு வைத்து பிடித்தனர். இருந்த போதிலும் மேலும் 2 குரங்குகள் சக்கரை குளம் தெரு பகுதியில் மக்களை அச்சுறுத்தி வந்தது.

இந்நிலையில் வனச்சரகர் செல்வமணி தலைமையிலான குழுவினர் சக்கரை குளம் தெருவில் கூண்டு வைத்து, நேற்று மாலை ஒரு குரங்கை பிடித்தனர். இதனால் அப்பகுதி மக்கள் நிம்மதி அடைந்தனர். பின்னர் பிடிபட்ட குரங்கை செண்பகத் தோப்பு வனப்பகுதிக்குள் விட்டனர்.