மாரியம்மன் கோயில் கிழக்கு மற்றும் மேற்கு, ஊரணிபட்டி, மாயாண்டி பட்டி, கீழச்சிவந்திப்பட்டி, முதலியார்பட்டி, காந்தி நகர் தெருக்களில் முளைக்கொட்டு திருவிழா கடந்த வாரம் துவங்கியது.

ஒவ்வொரு தெருவிலும் உள்ள கோயில்களில் முளைப்பாரி போடப்பட்டு இரவு 10:00 மணிக்கு பெண்கள் கும்மி அடித்து அம்மன் போற்றி பாடல்களை பாடுவர்.

முளைப்பாரி ஊர்வலம் நேற்று மாலை 5:00 மணிக்கு துவங்கி பெரிய மாரியம்மன் கோயில் வந்தனர். அங்கு அம்மனை தரிசித்து ராமகிருஷ்ணாபுரம் வழியாக பட்டத்தரசி அம்மன் கோயில் சென்று வணங்கினர்.

பின்னர் அப்பகுதியில் இருந்த நீர் நிலையில் முளைப்பாரிகளை கரைத்தனர்.