இக்கோயில் பொங்கல் விழா மார்ச் 31ல் கொடியேற்றத்துடன் துவங்கியது. ஏப். 7ல் பொங்கல், 8ல் அக்னி சட்டி, கயிறு குத்து நடந்தது. இதை தொடர்ந்து நேற்று மாலை 4:30 மணிக்கு கும்ப பூஜை, யாக பூஜை நடக்க மாலை 5:00 மணிக்கு தேரோட்டம் நடந்தது.

முக்கிய ரதவீதி, தெப்பம் வழியாக தெற்கு ரதவீதி சங்கிலி கருப்பசாமி கோயில் முன் வந்து நின்றது. திரளான பக்தர்கள் ஆஹோ அய்யாஹோ என கோஷத்துடன் தேரை இழுத்தனர்.

இன்று காலை 7:00 மணிக்கு தேர் நிலையை வந்தடைகிறது. நாளை (ஏப். 11) மஞ்சள் நீராட்டுடன், அம்மன் நகர் வலம் வருதலும், அதன் பின் கொடியிறக்கம் நடக்கிறது. ஏற்பாடுகளை ஹிந்து நாடார் தேவஸ்தானத்தினர் செய்தனர்.