ஏப். 19ல் தேர்தல் நடக்கிறது. வேட்புமனுக்கள் பெறப்பட்டு, பரிசீலிக்கப்பட்டு 27 இறுதி வேட்பாளர்கள் பட்டியல் அறிவிக்கப்பட்டுள்ளது. விருதுநகர் லோக்சபா தொகுதிக்குட்பட்ட 6 தொகுதிகளுக்கும் 4066 ஓட்டுப்பதிவு இயந்திரங்கள் அனுப்பி வைக்கப்பட்டது.

இந்நிலையில் நேற்று அவற்றில் வேட்பாளர் பெயர், சின்னம், புகைப்படம் உள்ள ஓட்டுச் சீட்டு பொருத்தும் பணி அனைத்து அரசியல் கட்சியினர் முன்னிலையில் நடந்து வருகிறது.

சாத்துார் சட்டசபை தொகுதிக்கு 692 ஓட்டுப்பதிவு இயந்திரங்கள், சிவகாசி தொகுதிக்கு 666 இயந்திரங்கள், விருதுநகர் சட்டசபை தொகுதிக்கு 616 இயந்திரங்கள், அருப்புக்கோட்டைக்கு 616 இயந்திரங்கள், திருப்பரங்குன்றம் தொகுதிக்கு 730, திருமங்கலம் தொகுதிக்கு 746 என 4066 ஓட்டுப்பதிவு இயந்திரங்களில் ஓட்டுச்சீட்டு பொருத்தும் பணி நடந்து வருகிறது.

சிவகாசி ஒன்றிய அலுவலகத்தில் நடந்த ஓட்டு சீட்டு பொருத்தும் பணியை தேர்தல் நடத்தும் அலுவலர் ஜெயசீலன் நேரில் ஆய்வு செய்தார். பின் அவர் கூறுகையில்,5 சதவீத ஓட்டுப்பதிவு இயந்திரங்களில் தலா 1000 ஓட்டுகள் வீதம் செலுத்தப்பட்டு மாதிரி ஓட்டுப்பதிவுகள் நடத்தப்படும் என்றார்.