விருதுநகர்; மதுரை மண்டல விதை பரிசோதனை அலுவலர் மகாலட்சுமி, விருதுநகர் விதை பரிசோதனை நிலை மூத்த வேளாண் அலுவலர் சாய்லெட்சுமி சரண்யா ஆகியோரின் செய்திக்குறிப்பு: விதை சான்றளிப்பு, உயிர்ம சான்றளிப்புத்துறையின் கீழ் இயங்கி வரும் விருதுநகர் விதை பரிசோதனை நிலையம் மூலம் விருதுநகர் மாவட்டத்தில் கடந்த 4 ஆண்டுகளில் விதையின் தரத்தை துல்லியமாக பரிசோதித்து, விவசாயிகளுக்கு தரமான விதைகளை வழங்கி வருகிறது. நெல், உளுந்து, சோளம், பாசிப்பயறு, குதிரைவாலி, நிலக்கடலை, எள், மக்காச்சோளம், பருத்தி, கீரை விதைகள், காய்கறி விதைகள் உள்ளிட்ட அனைத்து வகையான விதைகளின் முளைப்பு திறன், ஈரப்பதம், புறத்துாய்மை பரிசோதிக்கப்பட்டு முடிவுகள் அறிவிக்கப்படுகிறது.