தமிழக அரசு மூலம் பள்ளி மாணவர்களுக்கு செயற்கை நுண்ணறிவு மற்றும் ரோபோட்டிக் கற்பிக்கும் திட்டம் செயல்படுத்தப்பட உள்ளது. 6 முதல் 9 ம் வகுப்பு வரை படிக்கும் மாணவர்களுக்கான பாடப்புத்தகங்கள் வெளியிடப்பட்டுள்ளது. இதை செயல்படுத்தும் விதமாக 57 அரசு மேல்நிலை, உயர்நிலை மற்றும் நடுநிலை பள்ளிகளில் பணிபுரியும் 66 அறிவியல், கணித பட்டதாரி ஆசிரியர்களுக்கு 2 நாட்கள் பயிற்சி நடந்தது.

ஆசிரியர் பயிற்சி நிறுவன முதல்வர் செல்வி தலைமை வகித்தார். துணை முதல்வர் வெங்கடசாமி வரவேற்றார். முதன்மை கல்வி அலுவலர் அரவிந்தன் பேசினார்.

பயிற்சி நிறுவன முதுநிலை விரிவுரையாளர்கள் அழகப்பன், கம்ப்யூட்டர் ஆசிரியர்கள் கருப்பையா, கணேச பாண்டியன், பட்டதாரி ஆசிரியர்கள் புதிய ராஜா, செந்தில் குமார், ராஜா, சாந்தனா கருத்தாளர்களாக செயல்பட்டனர்.

விரிவுரையாளர் அழகப்பன் நன்றி கூறினார்.