சிவகாசியில் இருந்து சாத்துாருக்கு எண்ணற்ற வாகனங்கள் சென்று வருகின்றன. இதனால் எப்பொழுதுமே இந்த ரோட்டில் போக்குவரத்து நிறைந்திருக்கும். இந்நிலையில் சிவகாசியில் இருந்து சாத்துார் செல்லும் வழியில் ராமசாமிபுரம் பஸ் ஸ்டாப் அருகே ரோட்டிலேயே கட்டடக் கழிவுகள், இரும்பு கம்பிகள் போடப்பட்டுள்ளது. இது ரோட்டை மறைத்துள்ளதால் வாகனங்கள் சென்று வருவதில் சிரமம் ஏற்படுகிறது.

எதிர் எதிரே வாகனங்கள் வரும்போது விலகிச் செல்ல முடியவில்லை. சிறிது கவனம் சிதறினாலும் விபத்து ஏற்பட வாய்ப்புள்ளது. டூவீலரில் வருபவர்கள் மிகவும் தடுமாறுகின்றனர். எனவே இங்கு கொட்டப்பட்டுள்ள கட்டடக் கழிவுகள், இரும்பு கம்பிகளை உடனடியாக அகற்ற வேண்டும் என வாகன ஓட்டிகள் எதிர்பார்க்கின்றனர்.