சிவகாசியிலிருந்து சாத்துார் செல்லும் ரோட்டில் டிரான்ஸ்பார்மர் உள்ளது. இதிலிருந்து அப்பகுதி குடியிருப்புகள், கடைகளுக்கு மின்சாரம் வினியோகம் செய்யப்படுகின்றது. டிரான்ஸ்பார்மர் அமைந்துள்ள பகுதி அருகே பட்டாசு கடைகள், வணிக நிறுவனங்கள் ஏராளமாக உள்ளன. இந்நிலையில் டிரான்ஸ்பார்மரில் இரு மின் கம்பங்களுமே அடி முதல் உச்சி வரை முற்றிலும் சேதம் அடைந்து துருப்பிடித்த கம்பிகளால் தாங்கி நிற்கிறது. எப்பொழுதுமே போக்குவரத்து நிறைந்திருக்கும் இந்த ரோட்டில் வாகனங்கள் செல்லும்போது மின்கம்பங்கள் விழுந்தால் பெரிய அசம்பாவிதம் ஏற்பட வாய்ப்புள்ளது.

எனவே உடனடியாக டிரான்ஸ்பார்மரில் சேதம் அடைந்த மின்கம்பங்களை மாற்றி புதிய மின்கம்பங்கள் அமைக்க வேண்டும் என மக்கள் எதிர்பார்க்கின்றனர்.