ராஜபாளையம் நகராட்சி மலையடிப்பட்டி அருகே எம்.ஜி.ஆர் நகரில் 500க்கும் மேற்பட்ட குடும்பங்கள் வசிக்கின்றனர்.சத்திரப்பட்டி மெயின் ரோட்டில் இருந்து மலையடிப்பட்டி காயத்ரி கோயில் வழியே அன்னப்ப ராஜா பள்ளி செக் போஸ்ட் உள்ள ரோட்டிற்கு மாற்றாக இருந்த பிரதான பாதையை சீரமைக்காததால் ஆக்கிரமிப்பு அதிகரித்து சுருங்கி விட்டது.

ரயில்வே தண்டவாளம் ஒட்டிய பகுதியாக இருப்பதால் அடிப்படை வசதி கொண்டுவர வழியில்லை என்று காரணம் கூறுகின்றனர். தண்டவாளங்களில் திறந்த வெளி பாராக குடிமகன்களால் பாதிப்பு ஏற்படுகிறது. இப்பகுதி தெருக்களில் ஒப்புக்கொள்ளப்பட்ட மின்விளக்கு வசதி இதுவரை வந்து சேராததால் இரவு நேரங்களில் வாகன ஓட்டிகள் விபத்தில் சிக்குகின்றனர்.

சுகாதார பணியாளர்கள் குப்பை வாங்காததால் குடியிருப்பாளர்கள் ஆங்காங்கு கொட்டி எரிக்கின்றனர். ஏற்கனவே உள்ள சாக்கடை மண்மேவுவதால் கழிவுகள் தேங்கி சுகாதார பிரச்சனை ஏற்படுகிறது. பல்வேறு பகுதியினரும் கடக்கும் இப்பகுதியில் போலீசாரின் தொடர் ரோந்து கண்காணிப்பு உள்ளிட்ட பாதுகாப்பினை எதிர்பார்த்துள்ளனர்.