மாவட்டத்தில் இயங்கி வரும் பால் உற்பத்தியாளர் சங்கங்களில் உற்பத்தியாளர்களுக்கு முழுமையான போனஸ் வழங்கப்படவில்லை. குறிப்பாக ராஜபாளையம், வத்திராயிருப்பு போன்ற லாபகரமாக இயங்கக் கூடிய பால் சங்கங்களில் கூட இன்னும் போனஸ் வழங்கப்படவில்லை என்ற குற்றச்சாட்டு உள்ளது. மாவட்ட பால் வளத்துறை, ஆவின் நிர்வாகம் பால் உற்பத்தியை அதிகப்படுத்தி ஆவின் விற்பனையை ஊக்குவிக்க வேண்டும்.

இந்திய கம்யூ. மாநிலக்குழு உறுப்பினர் பாலமுருகன் கூறியதாவது: சங்கங்கள் நலிவுற்று வருவதற்கு, மாவட்ட துணை பதிவாளர் அலுவலகத்தில் இருந்து ஒரு லிட்டர் பாலுக்கு அரசு வழங்கிய ஊக்கத்தோகை ரூ.3 காலதாமதம் செய்து வழங்குவது தான் காரணம். 2 மாதங்களாக ஒரு லிட்டர் பால் வரவில்லை. வாடிக்கையாளர்கள் பலர் ஏமாற்றம் அடைந்துள்ளனர். கடைகளுக்கு ஒரு லிட்டர் பால் கேட்டு ஏமாற்றத்துடன் திரும்புகின்றனர்,என்றார்.இது குறித்து கேட்க ஆவின் பொதுமேலாளருக்கு அலைபேசியில் தொடர்பு கொண்ட போது அவர் அழைப்பை எடுக்கவில்லை.