விருதுநகர் மாவட்டம் சிவகாசி அருகே செங்கமலப்பட்டியில் பட்டாசு தொழிற்சாலையில் இன்று (மே 9) திடீரென வெடி விபத்து ஏற்பட்டது. இதில் அங்குள்ள 7 அறைகள் தரைமட்டமாகின. இந்த வெடி விபத்தில் 4 ஆண்கள், 6 பெண்கள் என 10 பேர் உயிரிழந்தனர், 9 பேர் காயமடைந்தனர். காயமடைந்தவர்களை மருத்துவமனையில் அனுமதித்தனர்.தீயணைப்பு வீரர்கள் விரைந்து சென்று மீட்பு பணியில் ஈடுபட்டனர். பட்டாசு தொடர்ந்து வெடித்து வருவதால் மீட்பு பணி தாமதம் ஏற்பட்டது. சம்பவம் தொடர்பாக போலீசார் விசாரிக்கின்றனர்.