ஸ்ரீவில்லிபுத்தூர் சந்தைப்பேட்டை தெருவை சேர்ந்தவர் டொமினிக் 70, மைக் செட் நடத்தி வருகிறார். இவரது மூத்த மகன் பிரகாஷூக்கு திருமணமாகவில்லை. தந்தைக்கு உதவியாக மைக் செட் தொழிலில் ஈடுபட்டு வந்தார். நேற்று அதிகாலை 5:00 மணி அளவில் சந்தைப்பேட்டை தெருவில் தோமா என்பவரின் வீட்டின் அருகில் உடலில் ரத்த காயங்களுடன் பிரகாஷ் கொலை செய்யப்பட்டு ஒரு சாக்கு மூடையில் கட்டப்பட்டு கிடந்தார்.

ஸ்ரீவில்லிபுத்தூர் டவுன் போலீசார் அவரது உடலை பிரேத பரிசோதனைக்கு விருதுநகர் அரசு மருத்துவமனைக்கு அனுப்பினர். எஸ்.பி., கண்ணன், டி.எஸ்.பி., ராஜா சம்பவயிடத்தை பார்வையிட்டனர். மோப்பநாய் வரவழைக்கப்பட்டு தேடியதில் யாரும் சிக்கவில்லை. இன்ஸ்பெக்டர் முத்துக்குமார் தலைமையில் தனிப்படை போலீசார் கொலையாளிகளை தேடி வருகின்றனர்.