காரியாபட்டி சொக்கனேந்தலில் இருந்து அழகாபுரிக்கு 3 கி.மீ., தொலைவு உள்ளது. திருப்புவனம், நரிக்குடி, மானாமதுரை உள்ளிட்ட ஊர்களுக்கு செல்ல பக்கம் என்பதால் ஏராளமானோர் அந்த ரோட்டில் சென்று வருகின்றனர். மண் ரோடாக இருந்ததை தார் ரோடாக போட வலியுறுத்தியதையடுத்து தார் ரோடு போட்டனர். சில மாதங்களிலேயே தார் பெயர்ந்து குண்டும் குழியுமாக மாறியது. வாகனங்கள் சென்றுவர முடியவில்லை. 7 கி.மீ., தூரம் சுற்றி செல்ல வேண்டிய சூழ்நிலை இருந்து வருகிறது.

நேரம், பணம் விரையமாவதுடன், விளை பொருட்களை எடுத்துச் செல்ல முடியாமல் விவசாயிகள் தவித்து வருகின்றனர். இதுவரை ரோட்டை சீரமைக்க எந்த ஒரு நடவடிக்கையும் எடுக்கவில்லை. மழை நேரங்களில் சகதியுமாக இருக்கிறது. டூவீலர்களில் கூட சென்று வர முடியவில்லை. ரோடை தரமாக சீரமைக்க வேண்டும்.