ADDED : மே 23, 2026 03:21 AM
அ நிறம் | அளவு
ஸ்ரீவில்லிபுத்துார்: விருதுநகர் மாவட்டம் ஸ்ரீவில்லிபுத்துாரில் 17 வயது சிறுமியை திருமணம் செய்தவர், கேன்சரால் உயிரிழந்த நிலையில், அவர் மீது போக்சோ சட்டத்தின் கீழ் மகளிர் போலீசார் வழக்கு பதிவு செய்துள்ளனர்.
ஸ்ரீவில்லிபுத்துாரை சேர்ந்தவர் செல்வம் 25, கூலித் தொழிலாளி.இவர் 2025ல் 17 வயது சிறுமியை காதலித்து திருமணம் செய்தார். கேன்சரால் செல்வம் ஏப்.,14ல் உயிரிழந்தார்.
இதனால் அச்சிறுமியை பெற்றோர் தங்கள் வீட்டிற்கு அழைத்து வந்த நிலையில், சில நாட்களுக்கு முன்பு சிறுமிக்கு தலைசுற்றல் ஏற்பட்டு மருத்துவ பரிசோதனை செய்தபோது, அவர் கர்ப்பமாக இருப்பது தெரிய வந்தது.
இந்நிலையில் சிறுமியின் தாய் அளித்த புகாரில், இறந்துபோன செல்வம் மீது போக்சோ சட்டத்தின் கீழ் ஸ்ரீவில்லிபுத்துார் மகளிர் போலீசார் வழக்கு பதிவு செய்துள்ளனர்.
