தமிழகத்தில் அண்ணன், தங்கை கலாச்சாரத்திற்கு எடுத்துக்காட்டாக திகழ்ந்த அர்ச்சனாபுரம் நல்லதங்காள் கோயில் சிலை ஜனவரி 26 அன்று கோயில் கருவறையின் கதவுகள் உடைக்கப்பட்டு சிலை உடைந்து கிடந்தது. வத்திராயிருப்பு போலீசார் 5 பேரை கைது செய்தனர்.

இந்நிலையில் அர்ச்சனாபுரம் மக்கள் சார்பில் செய்யப்பட்ட நல்லதங்காள் சிலையை கோயிலில் வைத்து வழிபடவும், கும்பாபிஷேகம் நடத்தவும் அறநிலையத்துறை அனுமதிக்க வேண்டுமென கோரி நேற்று முத்தாலம்மன் திடலில் 300-க்கும் மேற்பட்ட மக்கள், முன்னாள் எம்.எல்.ஏ. ராமசாமி தலைமையில் திரண்டு ஆர்ப்பாட்டத்தில் ஈடுபட்டனர்.

இது குறித்து கோயில் ஆய்வாளர் முத்து மணிகண்டன் கூறுகையில், அறநிலையத்துறை சார்பில் புதிய நல்லதங்காள் சிலை நிறுவப்பட்டு விரைவில் கும்பாபிஷேகம் நடத்த நடவடிக்கை எடுக்கப்பட்டு வருகிறது, என்றார்.