கனமழை பெய்யும் என வானிலை ஆய்வு மையத்தால் எச்சரிக்கப்பட்ட அக். 16ல் மழை பெய்யவே இல்லை. இந்நிலையில் ஒரு வாரமாக விட்டு விட்டு இரவு நேரங்களில் மழை பெய்து வருகிறது.

நேற்று முன் தினம் இரவு 8:00 மணிக்கு மேல் மாவட்டத்தின் பல்வேறு பகுதிகளில் பரவலாக கனமழை கொட்டி தீர்த்தது. நேற்று காலை 8:00 மணி வரை ராஜபாளையம் 17 மி.மீ., ஸ்ரீவில்லிபுத்துார் 5 மி.மீ., விருதுநகரில் 9.40 மி.மீ., கோவிலான்குளத்தில் 15.80 மி.மீ., வெம்பக்கோட்டையில் 3 மி.மீ., அதிகபட்சமாக பெரியாறு பிளவக்கல்லில் 24.40 மி.மீ., அளவு மழை பதிவாகி உள்ளது. குடியிருப்பு சேதம் ஏதும் ஏற்படவில்லை.