அருப்புக்கோட்டை ஊராட்சி ஒன்றியம் கஞ்சநாயக்கன்பட்டி ஊராட்சிக்கு உட்பட்டது கட்ட பெருமாள் ஊருணி. சிறிய ஊருணியாக இருந்தாலும், மழைக்காலத்தில் தண்ணீர் தேங்கி நிலத்தடி நீர்மட்டம் உயர்ந்து சுற்றியுள்ள வீடுகளின் போர்வெல் தண்ணீர் வற்றாமல் வந்து கொண்டிருந்தது. நாளடைவில் பராமரிப்பு இல்லாமல் போனதால், வீடுகளின் கழிவு நீர், குப்பைகள், பிளாஸ்டிக் கழிவுகள் கொட்டப்பட்டு ஊருணி பாசம் பிடித்து துர்நாற்றம் எடுக்கிறது.

மழை நீர் வந்தாலும் பயன்படுத்த முடியாத நிலையில் உள்ளது. வீடுகளில் போர்வெல் தண்ணீரும் கலங்கலாக வருகிறது. ஊராட்சி நிர்வாகம் அடுத்து வரும் மழைக்கு முன் ஊருணியை தூர்வாரி குப்பையை அகற்றி மழை நீர் சேகரிப்பதற்கு நடவடிக்கைகளை எடுக்க வேண்டும்.