திருச்சுழி ஸ்தலம் ஆனது காசி, ராமேஸ்வரம் புண்ணிய ஸ்தலங்களுக்கு ஈடானது. 14 பாண்டிய ஸ்தலங்களில் 10 வது ஸ்தலம் திருச்சுழியாக உள்ளது. ஆடி அமாவாசை, தை அமாவாசை நாட்களில் திருச்சுழி குண்டாற்றில் பக்தர்கள் திதி , தர்ப்பணம் செய்ய வருவர். நேற்று ஆடி அமாவாசையை முன்னிட்டு காலை 5:00 மணி முதல் வெளியூர்களிலிருந்து பக்தர்கள் குண்டாற்றில் குளித்து, தங்களது முன்னோர்களுக்கு தர்ப்பணம் செய்தனர். பின்னர், திருமேனிநாதர் கோவிலுக்கு சென்று மோட்ச தீபம் ஏற்றி சாமி தரிசனம் செய்தனர்.