வேலூர்: பெற்றோர் ஏற்பாடு செய்த திருமணத்தை நிறுத்தி, காதலனை திருமணம் செய்த பெண், பாதுகாப்பு கேட்டு போலீசில் தஞ்சம் அடைந்தார்.வேலூர் மாவட்டம், காவேரிப்பாக்கம் அடுத்த ஈச்சந்தாங்கல் கிராமத்தை சேர்ந்தவர் சாமுண்டிஸ்வரி, 20. இவருக்கும், கார்ணாமம்பேட்டை சேர்ந்த செந்தில்குமாருக்கும், நேற்று, திருவலத்தில் உள்ள வசந்தா மண்டபத்தில், திருமணம் நடக்க இருந்தது. காலை 9 மணிக்கு, திருமணம் நடக்க இருந்த நிலையில், மேடைக்கு வந்த மணப்பெண், 'பெற்றோர் பார்த்த மாப்பிள்ளையை நான் மணக்க மாட்டேன்; என் விருப்பத்துக்கு மாறாக, பெற்றோர் கட்டாய திருமணம் செய்ய உள்ளனர்' என, மைக்கில் தெரிவித்தார். இதனால், திருமண மண்டபத்தில் கூடியிருந்த உறவினர்கள் மத்தியில், பரபரப்பு ஏற்பட்டது.