ஆள் மாறாட்டம் செய்து தேர்வு எழுதியதாக எழுந்த புகார் தொடர்பாக, விழுப்புரம் மாவட்ட கல்வி அதிகாரிகள், விசாரணை நடத்தி, விடைத்தாளை கைப்பற்றினர். கல்யாணசுந்தரத்தின் உண்மையான கையெழுத்தோடு ஒப்பிட்டு பார்த்தனர். இதில் அமைச்சருக்கு பதில், ஆள் மாறாட்டம் செய்து வேறு ஒருவர் தேர்வு எழுதியது தெரிந்தது.கல்யாணசுந்தரம் மீது நடவடிக்கை எடுக்கக் கோரி, திண்டிவனம் டவுன் போலீசில் சி.இ.ஓ., குப்புசாமி நேற்று புகார் கொடுத்தார்.விழுப்புரம் எஸ்.பி., மாவட்ட குற்றப்பிரிவு மூலம் வழக்கு பதிய உத்தரவிட்டார்.புகார் தொடர்பாக, கல்வி அமைச்சர் கல்யாணசுந்தரம், சிங்கனூர் அரசு ஆதிதிராவிடர் நலப் பள்ளி ஆசிரியர் ஆதவன், திண்டிவனம் டி.இ.ஓ., அலுவலக தேர்வு பிரிவு உதவியாளர் ரஜினிகாந்த் மீது, ஆள் மாறாட்டம், மோசடி உள்ளிட்ட எட்டு பிரிவுகளின் கீழ் வழக்கு பதிவு செய்யப்பட்டுள்ளது.