கடந்த தி.மு.க., ஆட்சியின் போது கலைஞர் காப்பீட்டு திட்டம் என்ற பெயரில் மருத்துவ காப்பீட்டு திட்டம் செயல்படுத்தப்பட்டது. ஆட்சி மாற்றம் ஏற்பட்ட பின் தற்போது அத்திட்டம் நிறுத்தப்பட்டுள்ளது. அதற்கு பதிலாக புதிய திட்டம் செயல்படுத்தப்படும் என முதல்வர் ஜெயலலிதா அறிவித்துள்ளார். இதன்படி, 4 ஆண்டுகளில் ஒரு குடும்பம் 4 லட்சம் மதிப்பிலான சிகிச்சைகள் பெறமுடியும். பரிசோதனை, அறுவை சிகிச்சை, குழந்தைகள் நல சிகிச்சை, அறுவை சிகிச்சைக்குப்பின்பான தொடர் மருத்துவம் உள்ளிட்ட சேவைகளை இத்திட்டத்தின் மூலம் பெறமுடியும். இப்புதிய திட்டத்தின் படி, 950 வகையான நோய்களுக்காக சிகிச்சை பெற முடியும்.