சென்னை: சட்டசபையில், அ.தி.மு.க., - தி.மு.க., உறுப்பினர்கள் மத்தியில் கடும் கூச்சல், குழப்பம் நிலவிக் கொண்டிருந்த போது, பின்வரிசையில் அமர்ந்திருந்த முன்னாள் மத்திய அமைச்சர் டி.ஆர்.பாலுவின் மகனும், மன்னார்குடி தொகுதி தி.மு.க., உறுப்பினருமான ராஜா, தன் மொபைல் போனை இயக்கிக் கொண்டிருந்தார்.சபை நடவடிக்கை ஆரம்பித்த பின், மொபைல் போனை உறுப்பினர்கள் யாரும் பயன்படுத்தக் கூடாது, சுவிட்ச் ஆப் செய்து வைக்க வேண்டும் என, சபாநாயகர் ஜெயகுமார், ஏற்கனவே அறிவித்திருந்தார்.