சென்னை:உள்ளாட்சித் தேர்தலில், தி.மு.க., சார்பில் போட்டியிட விரும்புவோர், மாவட்ட தலைமை அலுவலகங்களில் விண்ணப்ப படிவத்தை பெற்றுக் கொள்ளலாம் என, அக்கட்சி தெரிவித்துள்ளது.இதுகுறித்து தி.மு.க., தலைமையகம் வெளியிட்ட அறிக்கை:உள்ளாட்சித் தேர்தலில் போட்டியிட விரும்பும் கட்சி நிர்வாகிகள், சம்பந்தப்பட்ட மாவட்ட தலைமை அலுவலகங்களில் விண்ணப்ப படிவத்தை பெற்றுக் கொள்ளலாம்.தேர்தலில் போட்டியிடும் நபர், கட்சியில் தனது பொறுப்பு மற்றும் விவரங்களையும் விண்ணப்பத்தில் குறிப்பிட வேண்டும்.