தமிழகத்தில் கடந்த சில தினங்களாக தங்கம் விலை தாறுமாறாக உயர்ந்து வருகிறது. நேற்று (பிப் 24) வார துவக்க முதல் நாளில், தங்கம் விலை சற்று உயர்ந்தது. 22 காரட் ஆபரணத் தங்கத்தின் விலை சவரனுக்கு ரூ.80 உயர்ந்து ஒரு சவரன் ரூ.64,440க்கு விற்பனை செய்யப்பட்டது. அதன்படி, ஒரு கிராம் ரூ.8,055க்கு விற்பனை ஆனது.

இந்நிலையில், இன்று (பிப்.,25) 22 காரட் ஆபரணத் தங்கத்தின் விலை சவரனுக்கு ரூ.160 உயர்ந்தது. ஒரு சவரன் ரூ.64,600க்கும், ஒரு கிராம் ரூ.8,075க்கும் விற்பனை செய்யப்படுகிறது. தங்கம் விலை தொடர்ந்து உயர்ந்து, ஒரு சவரன் ரூ.65 ஆயிரத்தை நெருங்கியதால் நகைப்பிரியர்கள் அதிர்ச்சி அடைந்தனர்.