கமுதி செட்டியார் தெருவை சேர்ந்த கண்ணன் 51. இவர் கே.பாப்பாங்குளம் கிராமத்தில் உள்ள ஊராட்சி ஒன்றிய தொடக்கப்பள்ளியில் ஆசிரியராக பணிபுரிந்தார். நேற்று கோடை விடுமுறை முடிந்து பள்ளிகள் திறக்கப்பட்டதால் டூவீலரில் பள்ளிக்குச் சென்றார்.

பாப்பாங்குளம் விலக்கு ரோட்டில் காலை 8:00 மணியளவில் சென்ற போது கண்ணனை வழிமறித்த மர்ம நபர்கள் அரிவாளால்​ வெட்டிக் கொலை செய்து விட்டு தப்பினர். கமுதி டி.எஸ்.பி., இளஞ்செழியன் தலைமையிலான போலீசார் சென்று விசாரித்தனர்.

கண்ணன் ரியல் எஸ்டேட் தொழில் செய்து வந்ததாகவும் இதில் ஏற்பட்ட பிரச்னையால் கொலை செய்யப்பட்டதும் முதற்கட்ட விசாரணையில் தெரிய வந்துள்ளது. கண்ணனுக்கு மனைவி சங்கீதா, 2 குழந்தைகள் உள்ளனர்.