அக்னி நட்சத்திர வெயில் தொடங்கிய நிலையில் வானிலையில் மாற்றம் ஏற்பட்டது. சில தினங்களாக அவ்வப்போது மிதமான மழை பெய்கிறது. தொடர்ந்து மேக கூட்டங்கள் தரை இறங்கிய நிலையில் ரம்மியமான சூழல் நிலவியது.

நேற்று மாலை, 5:00 மணிக்கு பின் இடியுடன் 1 மணி நேரம் கனமழை பெய்தது. சாரல் மழையும் நீடித்தது. கனமழையால் ரோட்டில் வெள்ளம் பெருக்கெடுத்து ஓடியது. இங்குள்ள பாம்பார்புரம், வெள்ளி நீர்வீழ்ச்சி அருவிகளில் தண்ணீர் ஆர்ப்பரித்து கொட்டியது.