இதுபற்றி கல்வித்துறையால் விபரம் சேகரிக்கப்பட்டது. மாநிலம் முழுதும் உதவி பெறும் பள்ளிகளில், 5,546 ஆசிரியர்கள் கூடுதலாக உள்ளனர்.

இவர்களை அரசு தொடக்க, நடுநிலை பள்ளிகளில் காலியாக உள்ள ஆசிரியர் பணியிடங்களுக்கு மாற்று பணியாக ஜூன் 10க்குள் செல்ல ஏற்பாடு செய்ய வேண்டும் என மாவட்ட தொடக்க கல்வி அலுவலர்களுக்கு பள்ளிக்கல்வித்துறை இயக்குனரகம் உத்தரவிட்டுள்ளது.

கல்வித்துறை அலுவலர்கள் கூறுகையில் 'உதவி பெறும் பள்ளிகளில் சில ஆண்டுகளாக ஆசிரியர்கள் நியமனம் இல்லை. எமிஸ் ஐ.டி., வாயிலாக மாணவர்கள் எண்ணிக்கை உறுதி செய்யப்படுவதால், பள்ளிகளில் பயிலும் மாணவர்கள் எண்ணிக்கை துல்லியமாக கணக்கிடப்படுகிறது.

ஒவ்வொரு வட்டாரம் வாரியாக அரசுப்பள்ளிகளுக்கு தேவையான ஆசிரியர்கள் பணியிடங்களில், உதவி பெறும் பள்ளிகளில் உள்ள கூடுதல் ஆசிரியர்கள் மாற்றுப்பணியில் நிரப்பப்படுவர். இவர்களில் ஜூனியர் ஆசிரியர்கள் வரிசைப்படுத்தப்பட்டு மாற்றுப்பணி வழங்கப்பட உள்ளது' என்றனர்.