கொரோனா பாதிப்பு உள்ளிட்ட சில காரணங்களால், 2019ம் ஆண்டுக்கு பின் தேர்தல் நடக்கவில்லை. இந்நிலையில், ரயில்வே தொழிற்சங்க அங்கீகார தேர்தல், வரும் டிச., 4, 5, 6ம் தேதிகளில் நடத்தப்படும் என்றும், 9ம் தேதி தேர்தல் விதிமுறைகள் வெளியிடப்படும் என்றும் ரயில்வே வாரியம் அறிவித்துள்ளது.

ரயில்வேயின் 17 மண்டலங்களில் பணியாற்றும், 12.20 லட்சம் ஊழியர்களின் ஆதரவை பெற ரயில்வே தொழிற்சங்கங்களின் சம்மேளனங்கள் தயாராகி வருகின்றன.

தெற்கு ரயில்வேயில், எஸ்.ஆர்.எம்.யு., எனப்படும், தெற்கு ரயில்வே மஸ்துார் யூனியன், டி.ஆர்.இ.யு., எனப்படும் தட்ஷிண ரயில்வே தொழிலாளர் சங்கம், எஸ்.ஆர்.இ.எஸ், எனப்படும் தென்னக ரயில்வே தொழிலாளர் சங்கம் இடையே கடும் போட்டி நிலவுகிறது.