சென்னை நந்தனத்தில் நேற்று நடந்த சீராய்வு கூட்டத்திற்கு, அமைச்சர் மூர்த்தி தலைமை வகித்தார். துறை செயலர், பதிவுத் துறை தலைவர் உள்ளிட்ட அதிகாரிகள் பங்கேற்றனர்.

அதில் நடந்த ஆலோசனைக்கு பின், பதிவுத்துறை வெளியிட்டுள்ள அறிவிப்பு:

நடப்பு நிதி ஆண்டில் பத்திரப்பதிவு வாயிலாக, ஏப்., 1 முதல், ஜூலை 17 வரையிலான காலத்தில், 5,920 கோடி ரூபாய் வருவாய் கிடைத்துள்ளது. கடந்த நிதி ஆண்டில், இதே காலகட்டத்தில் ஈட்டப்பட்டதை விட, 821 கோடி ரூபாய் அதிகம்.

'சார்-பதிவாளர் அலுவலகங்களில், டி.ஐ.ஜி.,க்கள் திடீர் ஆய்வு மேற்கொண்டு, அங்கீகாரமில்லாத மனை பதிவுகளை தடுக்க வேண்டும். அதேநேரத்தில், பத்திரப்பதிவுக்கு வரும் பொது மக்களுக்கு எவ்வித இடையூறும் செய்யக் கூடாது' என அறிவுறுத்தப்பட்டது.

இவ்வாறு அதில் கூறப்பட்டுள்ளது.