தமிழகத்தில், ஏப்., 19ல் லோக்சபா தேர்தல் நடைபெற உள்ளதால், வாக்காளர்களுக்கு பணபட்டுவாடா செய்வதை தவிர்க்கும் வகையில், 50,000 ரூபாய்க்கு மேல் உரிய ஆவணமின்றி எடுத்து செல்லும் பணம், பரிசுப் பொருட்களை, தேர்தல் பறக்கும் படையினர் கண்காணித்து வருகின்றனர்.

அதன்படி, தமிழகம் முழுதும் நேற்று காலை, 9:00 மணி வரை, 43.64 கோடி ரூபாய் ரொக்கம், 2.17 கோடி ரூபாய் மதிப்பிலான மதுபானங்கள்; 61 லட்ச ரூபாய் மதிப்பிலான போதை பொருட்கள்; 54.29 கோடி ரூபாய் மதிப்பிலான தங்கம், வெள்ளி பொருட்கள்; 1.09 கோடி மதிப்பிலான இலவச பொருட்கள் என, 101.82 கோடி ரூபாய் மதிப்பிலான பொருட்கள் பறிமுதல் செய்யப்பட்டுள்ளன.