சில மாதங்களாக சுட்டெரிக்கும் வெயில் நீடித்து கொடைக்கானல் மலைப்பகுதியில் வறட்சி நிலவியது. நீர்நிலை, அருவிகள் வற்றின.

மலைப்பிரதேசங்களிலே வெப்பத்தின் தாக்குதல் அதிகரித்து இரவு நேரங்களில் புழுக்கம் ஏற்பட்டது.

மின்விசிறி பயன்படுத்தும் நிலைக்கு மலைப்பகுதியில் வெயிலின் தாக்கம் இருந்தது. அக்னி நட்சத்திர வெயில் நேற்று முன்தினம் துவங்கிய நிலையில் இருந்தே கொடைக்கானலில் வானம் மேகமூட்டத்துடன் காணப்பட்டது.

நேற்று மாலை 4:00 மணிக்கு பின் ஒரு மணி நேரம் மிதமான மழை பெய்தது.

வில்பட்டி, பெருமாள்மலை, வடகவுஞ்சி உள்ளிட்ட பகுதிகளில் இம்மழை பெய்தது. தாண்டிக்குடி கீழ் மலை பகுதிகளிலும் சாரல் மழை பெய்தது.

கோடையில் சுட்டெரிக்கும் வெயிலுக்கு மத்தியில் கோடை மழை பெய்தது மக்களுக்கு ஆறுதலை ஏற்படுத்தியது.