மாரியப்பனின் உறவினர்களான ராஜேந்திரன், 33, ராஜமாணிக்கம், 27, ஆகியோர் ஆடுகளை தேடி ஏரிக்கு சென்றனர். அப்போது, ஏரி தண்ணீரில் கால் வைத்தபோது, ராஜேந்திரன் மீது மின்சாரம் பாய்ந்ததைக் கண்ட ராஜமாணிக்கம் அவரை காப்பாற்ற முயன்றார். அவர் மீதும் மின்சாரம் பாய்ந்ததில், இருவரும் படுகாயமடைந்து மயங்கினர்.

மறுநாள் அவர்களது உறவினர்கள் மயங்கிய நிலையில் இருந்த இருவரையும் மீட்டு, கிருஷ்ணகிரி அரசு மருத்துவமனையில் சேர்த்தனர். மகேந்திரமங்கலம் போலீசார், ஏரியில் சட்டவிரோதமாக மீன் பிடிக்க மின்சாரம் பாய்ச்சப்பட்டதா அல்லது திருட்டுத்தனமாக மீன் பிடிப்பதை தடுக்க மின்சாரம் பாய்ச்சப்பட்டதா என, விசாரிக்கின்றனர்.