நாகை அடுத்த வேளாங்கண்ணியில் பிரசித்திப் பெற்ற ஆரோக்கியமாதா தேவாலய ஆண்டுத் திருவிழா, ஆக., 29ம் தேதி கொடியேற்றத்துடன் துவங்கியது. முக்கிய நிகழ்ச்சியாக நேற்று முன்தினம் இரவு பெரிய சப்பர பவனி நடைபெற்றது.

நேற்று மாதாவின் பிறந்த நாளை முன்னிட்டு காலை 6:00 மணிக்கு விண்மின் தேவாலயத்தில் தஞ்சை பிஷப் சகாயராஜ் தலைமையில் கூட்டுப்பாடல் திருப்பலி நடந்தது.

மாலை தேவாலய முகப்பில் ஏற்றப்பட்டிருந்த மாதாவின் உருவம் பொறித்த கொடி இறக்கப்பட்டு, விழா நிறைவ டைந்தது.

தொடர்ந்து, தேவாலய கலையரங்கில் மாதா மன்றாட்டு, நற்கருணை ஆசிர் நடைபெற்றது. நேற்று நடைபெற்ற நிகழ்வுகளில் நாட்டின் பல பகுதிகளிலும் இருந்து வந்திருந்த ஆயிரக் கணக்கான பக்தர்கள் கலந்து கொண்டனர்.