கள்ளக்குறிச்சி மாவட்டம், கொரட்டூர் கிராமத்தை சேர்ந்தவர் விவசாயி செந்தில்குமார், 45. இவர், அக்., 1ம் தேதி காலை வீட்டை பூட்டி விட்டு, வயலுக்கு சென்றார். பகல், 11:30 மணியளவில் வீட்டிற்கு திரும்பிய போது, வீடு திறந்து கிடந்தது.

உள்ளே சென்று பார்த்தபோது, பீரோ உடைக்கப்பட்டு, 30 சவரன் நகைகள் மாயமாகி இருந்தன. திருநாவலுார் போலீசில் செந்தில்குமார் அளித்த புகாரில், போலீசார் வழக்கு பதிந்து விசாரணை நடத்தினர்.

அதில், அதே பகுதியை சேர்ந்த வில்லியம் பென்டிக், உளுந்துார்பேட்டை அடுத்த டி.குன்னத்துாரை சேர்ந்த விக்னேஷ் ஆகியோர், செந்தில்குமார் வீட்டில் கொள்ளையடித்தது தெரியவந்தது. இதையடுத்து, கொரட்டூர் அருகே இருந்த இருவரையும், போலீசார் நேற்று கைது செய்தனர்.