திருச்சி: பெங்களூரிலிருந்து, ஆம்னி பஸ்சில் கடத்தி வரப்பட்ட, 350 வெளிமாநில மதுபாட்டில்களை பறிமுதல் செய்த, திருச்சி மாநகர மதுவிலக்கு அமலாக்க போலீசார், இருவரை கைது செய்தனர்.பெங்களூரிலிருந்து ஆம்னி பஸ்களில், வெளிமாநில மதுபாட்டில் திருச்சிக்கு கடத்தப்பட்டு, கூடுதல் விலைக்கு விற்கப்படுவதாக, திருச்சி மாநகர மதுவிலக்கு அமலாக்க போலீசாருக்கு தகவல் கிடைத்தது.நேற்று காலை 11 மணிக்கு, பெங்களூரிலிருந்து திருச்சி வந்த, தனியார் டிராவல்சுக்கு சொந்தமான ஆம்னி பஸ்சை, போலீசார் சோதனையிட்டனர். பஸ்சிலிருந்த பெயின்ட் பேரல்கள் மீது சந்தேகம் ஏற்பட்டு சோதனையிட்டதில், ஒவ்வொரு பேரல்களிலும் தலா, 50 மதுபான பாட்டில் வீதம் ஏழு பேரல்களில், 350 வெளிமாநில மதுபாட்டில்கள் இருந்தன.