இதற்காக மின் வாரியத்திற்கு ஏற்படும் செலவை, தமிழக அரசு மானியமாக வழங்குகிறது. இந்த நிதியாண்டிற்கு, 15,332 கோடி ரூபாய் மானியம் வழங்க, அரசுக்கு மின்சார ஒழுங்குமுறை ஆணையம் ஏற்கனவே உத்தரவிட்டிருந்தது.அதில் வீடுகளுக்கான மானியம், 7,225 கோடி ரூபாயாகவும், விவசாய மானியம், 6,780 கோடி ரூபாயாகவும் உள்ளது.

கடந்த ஜூலை 1ம் தேதி முதல் அனைத்து பிரிவுகளுக்கும் மின் கட்டணம், 4.83 சதவீதம் உயர்த்தப்பட்டது. இதனால் யூனிட்டிற்கு, 20 காசு முதல்55 காசு வரை கட்டணம் உயர்ந்தது. இந்த கட்டண உயர்வால், அரசுக்கு மானிய செலவு அதிகரித்துள்ளது.

இதையடுத்து, நடப்பு நிதியாண்டிற்கு கூடுதலாக, ரூ.519.25 கோடி மானியம் வழங்க, அரசுக்கு ஆணையம் உத்தரவிட்டுள்ளது.