திருநெல்வேலி, பாளையங்கோட்டை ரயில் நிலையத்தில், பிப்., 23ல், தி.மு.க., மாநில பொறியாளர் அணி துணைச்செயலர் ராஜவர்மன் உட்பட ஏழு பேர், ரயில் நிலைய பெயர் பலகையில் இருந்த ஹிந்தி எழுத்துகளை கருப்பு பெயின்ட் கொண்டு அழித்தனர். மேலும், ஹிந்திக்கு எதிராக கோஷமிட்டனர்.

இது தொடர்பாக ரயில்வே போலீசார் வழக்குப்பதிவு செய்து, திருநெல்வேலி நான்காவது குற்றவியல் நடுவர் நீதிமன்றத்தில் வழக்கு நடத்தினர். நீதிபதி வழக்கை விசாரித்து, ஏழு பேருக்கும் ஒரு மாதம் சிறை தண்டனை அல்லது தலா 2,000 ரூபாய் அபராதம் விதித்து தீர்ப்பளித்தார். ஏழு பேரும் தலா, 2,000 ரூபாய் அபராதம் செலுத்தினர்.