பெஞ்சல் புயல் தாக்கம் காரணமாக, பெய்த பலத்த மழையால், திருவண்ணாமலை அண்ணாமலையார் மலையின் கிழக்கு பக்கத்தில், வ.உ.சி., நகர், 11வது தெருவின் அருகே திடீரென டிசம்பர் 1ம் தேதி மாலை, 5:00 மணி அளவில் நிலச்சரிவு ஏற்பட்டது. மண்ணில் புதையுண்டு 7 பேர் பரிதாபமாக உயிரிழந்தனர்.

இந்நிலையில், இன்று (டிச.,09) சென்னை விமான நிலையத்தில் விமானம் ஏற வந்த ரஜினியிடம் செய்தியாளர்கள் கேள்வி எழுப்பினர். பெஞ்சல் புயலால் ஏற்பட்ட கனமழை காரணமாக, திருவண்ணாமலையில் 7 பேர் இறந்துள்ளனர் என நிருபர் ஒருவர் கேள்வி எழுப்பினார். இதற்கு, எப்போ...? என ரஜினி கேட்டார்.

இதற்கு, நிலச்சரிவில் சிக்கி உயிரிழந்துள்ளனரே? என நிருபர் கூறியதும், 'ஓ மை காட்... சாரி...!' என ரஜினி வருத்தம் தெரிவித்தார்.