தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
/
செய்திகள்
/
தமிழகம்
/
சூரிய ஒளி மின் திட்டத்தில் நில வகை மாற்ற கட்டணத்தை தமிழக அரசு முற்றிலும் நீக்கணும்! அகில இந்திய சோலார் சங்க தலைவர் நரசிம்மன் வலியுறுத்தல்
/
சூரிய ஒளி மின் திட்டத்தில் நில வகை மாற்ற கட்டணத்தை தமிழக அரசு முற்றிலும் நீக்கணும்! அகில இந்திய சோலார் சங்க தலைவர் நரசிம்மன் வலியுறுத்தல்
சூரிய ஒளி மின் திட்டத்தில் நில வகை மாற்ற கட்டணத்தை தமிழக அரசு முற்றிலும் நீக்கணும்! அகில இந்திய சோலார் சங்க தலைவர் நரசிம்மன் வலியுறுத்தல்
சூரிய ஒளி மின் திட்டத்தில் நில வகை மாற்ற கட்டணத்தை தமிழக அரசு முற்றிலும் நீக்கணும்! அகில இந்திய சோலார் சங்க தலைவர் நரசிம்மன் வலியுறுத்தல்
ADDED : செப் 11, 2025 11:14 PM
கோவை; ''சூரிய ஒளி மின் திட்டங்களை நிறைவேற்றுவதில், தமிழக அரசு தீவிரம் காட்ட வேண்டும். சூரிய ஒளி மின் திட்டங்களை அமைக்க, நிலவகை பயன்பாடு மாற்றத்துக்கான கட்டணத்தை தமிழக அரசு முற்றிலும் நீக்க வேண்டும்,'' என, அகில இந்திய சோலார் சங்க தலைவர் நரசிம்மன் தெரிவித்தார்.
'குளோபல் சோலார் எக்ஸ்போ-2025' கோவை 'கொடிசியா' வளாகத்தில் நேற்று துவங்கியது; இன்று நிறைவடைகிறது.
துவக்க விழாவில், அகில இந்திய சோலார் சங்க தலைவர் நரசிம்மன் பேசியதாவது:
மரபுசாரா எரிசக்தியை பயன்படுத்துவதிலும், உற்பத்தி செய்வதிலும் மத்திய அரசு தீவிரமாக செயல்பட்டு வருகிறது. 2030க்குள் உற்பத்தி செய்ய வேண்டிய மரபுசாரா எரிபொருள் இலக்கில், 50 சதவீதத்தை எட்டி விட்டோம். சாதாரண மனிதர்களும், சாமானிய விலையில் மின்சாரத்தை பெற வேண்டும் என்ற நோக்கில், பல்வேறு திட்டங்களை அரசு செயல்படுத்தி வருகிறது.
தமிழ்நாடு சோலார் மின் உற்பத்தியில், 11 ஜிஹா வாட் அளவை எட்டியுள்ளது. காற்றாலை, சூரிய மின் உற்பத்தியில் இதுவரை, 25 ஜிகாவாட் அளவை எட்டியுள்ளது. பொதுத்துறை எரிசக்தி நிறுவனங்கள் பல, சூரிய ஒளி மின் திட்டங்களில் முதலீடு செய்து வருகின்றன.
சூரிய ஒளி மின் திட்டங்களை நிறைவேற்றுவதில் தமிழக அரசு தீவிரம் காட்ட வேண்டும். கேரள மாநிலத்தில் ஐந்து மெகாவாட் அளவுக்கு மின்சாரம், 2 லட்சம் வீடுகளில் இருந்து உற்பத்தியாகிறது. தமிழகத்தில் இது, 20,000 வீடுகளாக மட்டுமே உள்ளது. வீடுகளில் சூரிய ஒளி மின் திட்டங்களை அமைக்க, மத்திய அரசு மானியம் அளிக்கிறது.
இரண்டு கிலோ வாட்டுக்கு இரண்டு லட்சம் செலவானால், 72 ஆயிரம் ரூபாய் மானியமாக தரப்படுகிறது. சூரிய ஒளி மின் திட்டங்களை அமைக்க, நிலவகை பயன்பாடு மாற்றத்துக்கு தமிழக அரசு அதிக அளவில் கட்டணம் வசூலிக்கிறது. இதை முற்றிலும் நீக்க வேண்டும்.
இவ்வாறு, அவர் பேசினார்.