பள்ளி மாணவர்களுக்கு, திருக்குறள் ஒப்புவித்தல் போட்டிகள் நடத்தி, பரிசுகள் வழங்கி வரும் பாலமுருகனடிமை சுவாமிக்கு, 2024ம் ஆண்டுக்கான, 'திருவள்ளுவர் விருது' அறிவிக்கப்பட்டு உள்ளது.

அதேபோல, பத்தமடை பரமசிவத்திற்கு, 2023ம் ஆண்டுக்கான, அண்ணா விருது; காங்கிரஸ் கட்சியின் செய்தி தொடர்பாளர் பலராமனுக்கு, காமராஜர் விருது; கவிஞர் பழனிபாரதிக்கு, மகாகவி பாரதியார் விருது.

கவிஞர் முத்தரசுக்கு, பாரதிதாசன் விருது; பேராசிரியர் ஜெயசீல ஸ்டீபனுக்கு, திரு.வி.க., விருது; இரா.கருணாநிதிக்கு, கி.ஆ.பெ.விசுவநாதம் விருது அறிவிக்கப்பட்டுள்ளது.

விருது தொகையாக, 2 லட்சம் ரூபாய், 1 சவரன் தங்கப்பதக்கம், தகுதியுரை வழங்கப்படும்.

சமூக நீதி விருது: தமிழக அரசு சார்பில், 2023ம் ஆண்டு சமூக நீதிக்கான விருதுகளும் அறிவிக்கப்பட்டுள்ளன.

சமூக நீதிக்கான பெரியார் விருதுக்கு, சமூக நீதி கண்காணிப்பு குழு தலைவர் சுப.வீரபாண்டியன்; அம்பேத்கர் விருதுக்கு, மார்க்சிஸ்ட் கம்யூனிஸ்ட் கட்சியை சேர்ந்த சண்முகம் தேர்வு செய்யப்பட்டுள்ளனர். இருவருக்கும் இன்று, முதல்வர் ஸ்டாலின் விருதுகளை வழங்க உள்ளார்.