திருநெல்வேலி மேலப்பாளையத்தில் அலங்கார் தியேட்டர் ஒன்று இயங்கி வருகிறது. அண்மையில் ரிலீஸ் ஆன அமரன் படம் திரையிடப்பட்டு வருகிறது. இந்த தியேட்டர் வளாகத்தில் இன்று (நவ.,16) அதிகாலை இரண்டு மர்ம நபர்கள் 3 பாட்டில்களில் அடைத்து கொண்டு வந்த பெட்ரோல் குண்டுகளை வீசினர். பயங்கர சத்தத்துடன் வெடித்தது.அப்பகுதி மக்கள் அதிகாலையில் பதறி போயினர்.

யாருக்கும் காயம் இல்லை. தியேட்டருக்கு சேதம் பெரிதளவில் இல்லை. சம்பவ இடத்திற்கு மேலப்பாளையம் போலீசார் விரைந்தனர். குண்டு வீசிய மர்மநபர்களை வலை வீசி தேடி வருகின்றனர். குண்டு வீசி தாக்குதல் நடத்தியதற்கு காரணம், பின்னணியில் இருப்பது யார் ? என்பது குறித்து பல்வேறு கோணத்தில் போலீசார் விசாரித்து வருகின்றனர். அப்பகுதியில் பதற்றமான சூழல் ஏற்பட்டது.