அரசு மற்றும் அரசு உதவி பெறும் பள்ளிகளில், பிளஸ் 1 படிக்கும் மாணவ - மாணவியருக்கு, ஆண்டு தோறும் இலவச சைக்கிள் கள் வழங்கப்படுகின்றன.

இந்த ஆண்டு பிளஸ் 1 படிக்கும் பிற்படுத்தப்பட்டோர், மிக பிற்படுத்தப்பட்டோர் மற்றும் சீர்மரபினர் வகுப்பை சேர்ந்த மாணவ - மாணவியருக்கு இலவச சைக்கிள் வழங்க, பிற்படுத்தப்பட்டோர் நலத்துறை சார்பில், 193.06 கோடி ரூபாய் ஒதுக்கப்பட்டது.ஆதிதிராவிடர், பழங்குடியினர் மற்றும் கிறிஸ்துவ ஆதிதிராவிடர் மாணவர்களுக்கு இலவச சைக்கிள் வழங்க, அத்துறை சார்பில், நடப்பாண்டு 80 கோடி ரூபாய் ஒதுக்கப்பட்டது.

இந்நிதியில், பிளஸ் 1 படிக்கும் மாணவர்கள் அனைவருக்கும் இலவச சைக்கிள்கள் வாங்க, பிற்படுத்தப்பட்டோர் நலத்துறை சார்பில், 'டெண்டர்' கோரப்பட்டு உள்ளது.

சைக்கிளில், 'தமிழ்நாடு முதலமைச்சரின் மிதிவண்டிகள் வழங்கும் திட்டம் 2025 - 26' என்ற லோகோ இடம்பெற வேண்டும் என அறிவுறுத்தப்பட்டு உள்ளது.