தினமலர் டிவி
Podcast
iPaper
சினிமா
கோயில்கள்
புத்தகங்கள்
Subscription
திருக்குறள்
கடல் தாமரை
அங்கிட்டு ஹிந்தியில் கேள்வி; இங்கிட்டு கனிமொழி ரியாக்சன்: கபடி போட்டியில் கலகல சடுகுடு!
அங்கிட்டு ஹிந்தியில் கேள்வி; இங்கிட்டு கனிமொழி ரியாக்சன்: கபடி போட்டியில் கலகல சடுகுடு!
ADDED : செப் 09, 2024 12:19 PM
நெல்லை; நெல்லையில் விளையாட்டு போட்டி தொடக்க விழாவில் இந்தியில் எழுப்பப்பட்ட கேள்விக்கு எம்.பி., கனிமொழி சுவாரசியமாக பதில் அளித்தார்.
கபடி போட்டி
முதல்வர் ஸ்டாலின் பிறந்த நாளை முன்னிட்டு நெல்லை மாவட்டம் திசையன்விளையில் தலா 30 ஆண்கள் மற்றும் பெண்கள் அணிகள் கலந்து கொண்ட மின்னொளி கபடி போட்டி தொடங்கியது. போட்டியை தி.மு.க., தூத்துக்குடி எம்.பி., கனிமொழி தொடங்கி வைத்தார்.
இந்தியில் கேள்வி
பின்னர் போட்டியில் பங்குபெற உள்ள அனைத்து வீரர்கள், வீராங்கனைகளுக்கும் கனிமொழி வாழ்த்துக் கூறினார். அப்போது கூட்டத்தின் ஒரு பகுதியில் இருந்த வீராங்கனை ஒருவர் இந்தியில் கேள்வி ஒன்றை அவரிடம் கேட்டுள்ளார். மொத்தக்கூட்டமும் அவர் என்ன சொல்ல போகிறார், எப்படி எதிர்கொள்ள போகிறார் என்று ஆவலடன் காத்திருந்தது.
ஆங்கிலத்தில் பதில்
இந்தி கேள்வியை எதிர்கொண்ட கனிமொழி இந்தி தெரியாது என்பதை மட்டும் குறிப்பிடாமல் தெளிவான ஆங்கிலத்தில் அளித்த பதில் தான் சுவாரசியம். கனிமொழி கூறியதாவது; மன்னிக்கவும், நீங்கள் கேட்பது எனக்கு புரியவில்லை. உங்களின் பிரச்னை என்னவென்று என்னால் புரிந்து கொள்ள முடிகிறது. டில்லியில் நான் இருந்த போது ஏற்பட்ட அதே நிலைமை தான் உங்களுக்கும்.
வாழ்த்துகள்
என்னால் இந்தியை புரிந்து கொள்ள முடியவில்லை. உங்களுக்கு ஆங்கிலம் புரிந்து கொள்ள முடியும். நம் இருவருக்கும் ஆங்கிலம் தெரியும் என்று குறிப்பாக பேசி அனைவரையும் கலகலப்பாக்கினார். பின்னர் மேடையில் தொடர்ந்து ஆங்கிலத்தில் உரையாற்றிய அவர், அனைத்து வீரர்களுக்கும் வாழ்த்துகளையும் கூறினார்.