தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/தமிழகம்/உதயநிதியின் 'மைண்ட் வாய்ஸ்' புரிகிறதா... அந்துமணி பதில்கள்

உதயநிதியின் 'மைண்ட் வாய்ஸ்' புரிகிறதா... அந்துமணி பதில்கள்

உதயநிதியின் 'மைண்ட் வாய்ஸ்' புரிகிறதா... அந்துமணி பதில்கள்

2


UPDATED : செப் 26, 2026 04:45 AM

ADDED : செப் 26, 2026 04:44 AM

Follow on GoogleFavourite on Google

UPDATED : செப் 26, 2026 04:45 AM ADDED : செப் 26, 2026 04:44 AM

2


2
Follow on Google
Latest Tamil News
அ நிறம் | அளவு

சின்னஞ்சிறு கோபு, சிகாகோ, அமெரிக்கா:


அமெரிக்கா சென்ற சீன அதிபர் ஷீ ஜின்பிங்கை, டிரம்ப் விமான நிலையத்திற்கே சென்று வரவேற்று இருக்கிறாரே?



இதுவும் உலகை மிரட்ட டிரம்ப் செய்யும் ஒரு சர்க்கஸ் வேலை தான். 'பாருங்கள், நாங்கள் இருவரும் அவ்வளவு நெருக்கம்' என்கிறாராம்!

பா.மாணிக்கம், கும்பகோணம்:


'நாட்டின் பொருளாதார வளர்ச்சி கிராமப்புறங்களுக்கும் விரிவடைய வேண்டும்' என்று சொல்வதுடன், அதை செயல்படுத்தி வரும் ஜோேஹா நிறுவனர் ஸ்ரீதர் வேம்பு குறித்து?



அமெரிக்காவிலிருந்து, 2019 ல் இந்தியா திரும்பிய ஜோஹோ நிறுவனத்தின் இணை தலைவரும், தலைமை விஞ்ஞானியுமான, ஸ்ரீதர் வேம்பு தென்காசியில் தன் பண்ணை வீட்டில், பாரம்பரிய முறையில் அமைக்கப்பட்டுள்ள அலுவலகத்தை அமைத்து பலருக்கும் வேலைவாய்ப்பு மற்றும் தொழில்நுட்ப பயிற்சி அளித்து வருவது பாராட்டுக்குரியது.

எம்.பி.தினேஷ், கோவை:


தன்னைத் தோற்கடித்த கொளத்துார் மக்களுக்கு நன்றி சொன்ன முன்னாள் முதல்வர் ஸ்டாலினை, இனி வரும் தேர்தல்களிலும், கொளத்துார் மக்கள் தோற்கடிக்கத் தானே செய்வர்?



தோல்வி கண்டுள்ள ஸ்டாலினே, மனம் நொந்து கிடக்கிறார்... இப்படி ஒரு கேள்வி கேட்டு, மேலும் ஏன் நோகடிக்க வேண்டும் தினேஷ்?

ப.சோமசுந்தரம், சென்னை:


மஹாராஷ்டிர மாநிலத்தின், நாசிக் மாவட்டத்தில், தெரு நாய்களைத் தடுக்காத அதிகாரியின் மேஜையில், நாய்களை விட்டாராமே, உத்தவ் சிவசேனா கட்சி நிர்வாகி ஒருவர்?



நம்மூரில் இப்படி விட வேண்டும் என்றால், நிறைய தெரு நாய்களை வைத்து, ஊர் ஊராக விட வேண்டி இருக்குமே!

தேன்பிரியா, நெய்வேலி:


'திருமணம் என்ற பெயரில் நடைபெறும் ஆடம்பர செலவுகளில் எனக்கு உடன்பாடு இல்லை. அவற்றை தவிர்த்து, தொண்டு நிறுவனங்களுக்கு உதவி செய்து, மக்களை காப்பாற்றலாம்...' என்று, நடிகை ஸ்ருதிஹாசன் சொல்வது குறித்து?



தெளிவாக பேசுகிறார் கமல்ஹாசன் மகளும், நடிகையுமான ஸ்ருதிஹாசன்; பாராட்டுவோம்!

எஸ்.ஷம்மு, திண்டுக்கல்:


'முதல்வர் விஜய், சினிமாவில் நடித்ததை விட இப்போது நன்றாக நடிக்கிறார்' என்று, தி.மு.க., உதயநிதி கூறுகிறாரே?



'நமக்கு அது கூட வரவில்லையே...' என்ற உதயநிதியின், 'மைண்ட் வாய்ஸ்' புரிகிறதா ஷம்மு, உங்களுக்கு?

க.கனிமொழி, வேலுார்:


பயன்பாடின்றி முடங்கிக் கிடக்கும், 5,000 கோடி ரூபாய் மதிப்பிலான அரசு சொத்துக்களை பணமாக்குவதற்கான முக்கிய பரிந்துரைகளை, மத்திய அரசுக்கு, தேசிய நிலப் பணமாக்கல் அமைப்பு வழங்கியுள்ளதே?



அதை அமல்படுத்தி, ஆக்கபூர்வமான பணிகளை சீக்கிரம் செயல்படுத்த வேண்டும்!

தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us