அரசு பணியாளர்களின் குழந்தைகள் உயர்கல்வி கற்க, அரசு சார்பில், 'கல்வி முன்பணம்' வழங்கப்படுகிறது.

இதுவரை தொழிற்கல்வி பயில அதிகபட்சமாக 50,000 ரூபாய்; கலை, அறிவியல் மற்றும் பாலிடெக்னிக் படிக்க, 25,000 ரூபாய் வழங்கப்பட்டு வந்தது.

இனி, தொழிற்கல்விக்கு 1 லட்சம் ரூபாய்; கலை, அறிவியல் மற்றும் பாலிடெக்னிக் படிக்க, 50,000 ரூபாய் வழங்கப்படும் என, சட்டசபையில், 110 விதியின் கீழ், முதல்வர் ஸ்டாலின் அறிவித்தார்.

அதை செயல்படுத்த, தமிழக நிதித்துறை சார்பில், அரசாணை வெளியிடப்பட்டு உள்ளது. நடப்பாண்டு முதல் இது செயல்பாட்டிற்கு வரும்.