தமிழக அரசின் முன்னாள் தலைமை செயலர் இறையன்பு. இவரது தந்தை வெங்கடாஜலம், 90. இவர், சேலம், சூரமங்கலம், சுப்ரமணிய நகரில் வசித்தார். உடல் நல குறைவால், தனியார் மருத்துவமனையில் சேர்க்கப்பட்ட அவர், நேற்று மதியம், 1:30 மணிக்கு காலமானார்.

அவரது உடலுக்கு, அமைச்சர்கள் சுப்பிரமணியன், ராஜேந்திரன், தி.மு.க., மாவட்ட செயலர் சிவலிங்கம் உள்பட பலர் அஞ்சலி செலுத்தினர். இன்று காலை 11 மணிக்கு இறுதி சடங்கு நடக்கும் என கூறப்பட்டது.

வெங்கடாஜலத்தின் மனைவி பேபி சரோஜா முன்பே காலமாகி விட்டார். இவர்களுக்கு திருப்புகழ், இறையன்பு என 2 மகன்கள், பைங்கிளி, இன்சுவை என 2 மகள்கள் உள்ளனர். மகன்கள் இருவரும், ஐ.ஏ.எஸ்., அதிகாரிகளாக பணியாற்றி ஓய்வு பெற்றவர்கள்.