கடந்த சில தினங்களாக தங்கம் விலை ஏற்ற, இறக்கத்தை கண்டு வருகிறது. தீபாவளி பண்டிகை காலத்தில் தங்கத்தின் விலை உயர்ந்தது. இதையடுத்து சரிவை கண்ட தங்கம் விலை, கடந்த சில தினங்களாக உயர்வை கண்டது.

*நவ.,19ம் தேதி ஒரு கிராம் ரூ.7 ஆயிரத்து 65க்கும், ஒரு சவரன் ரூ.56 ஆயிரத்து 520க்கும் விற்பனை செய்யப்பட்டது.

* நவ.,20ம் தேதி தங்கம் விலை கிராமுக்கு 50 ரூபாய் உயர்ந்து, 7,115 ரூபாய்க்கு விற்கப்பட்டது. சவரனுக்கு 400 ரூபாய் அதிகரித்து, 56,920 ரூபாய்க்கு விற்பனையானது.

* நவ.,21ம் தேதி கிராமுக்கு 30 ரூபாய் உயர்ந்து ஒரு கிராம் ரூ.7,145க்கும், சவரனுக்கு ரூ.240 உயர்ந்து ஒரு சவரன் ரூ. 57,160க்கும் விற்பனையானது.

* நவ.,22ம் தேதி ஆபரணத் தங்கத்தின் விலை சவரனுக்கு ரூ.640 உயர்ந்து ஒரு கிராம் ரூ.7,225க்கும், ஒரு சவரன் ரூ.57,800க்கும் விற்பனையானது.

* நவ.,23ம் தேதி ஒரு கிராம் ரூ.7,300க்கும், ஒரு சவரன் ரூ.58,400க்கும் விற்பனை ஆனது. நேற்று (நவ.,24) ஞாயிற்றுக் கிழமை என்பதால் தங்கத்தின் விலையில் மாற்றமில்லை.

* இந்நிலையில், இன்று (நவ.,25) தங்கத்தின் விலை சவரனுக்கு ரூ.800 குறைந்து ரூ.57,600க்கும், கிராமுக்கு ரூ.100 குறைந்து ரூ.7,200க்கும் விற்பனை ஆகிறது.

* ஒரே நாளில் சவரனுக்கு ரூ.800 சரிந்துள்ளது நகைப்பிரியர்கள் மத்தியில் மகிழ்ச்சியை ஏற்படுத்தி உள்ளது.