சர்வதேச நிலவரங்களால், நம் நாட்டில் தங்கம் விலையில் ஏற்ற, இறக்கம் காணப்படுகிறது. தமிழகத்தில் மார்ச் 11ம் தேதி, ஆபரண தங்கம் கிராம் 15,120 ரூபாய்க்கும் சவரன் 1,20,960 ரூபாய்க்கும் விற்பனையானது. வெள்ளி கிராம் 300 ரூபாய்க்கு விற்கப்பட்டது.

நேற்று முன்தினம் (மார்ச் 12) தங்கம் விலை கிராமுக்கு 150 ரூபாய் குறைந்து 14,970 ரூபாய்க்கு விற்பனையானது. சவரனுக்கு, 1200 ரூபாய் சரிவடைந்து, 1,19,760 ரூபாய்க்கு விற்கப்பட்டது. வெள்ளி கிராமுக்கு 10 ரூபாய் குறைந்து, 290 ரூபாய்க்கு விற்பனையானது. கிலோவுக்கு, 10,000 ரூபாய் சரிவடைந்து 2.90 லட்சம் ரூபாய்க்கு விற்கப்பட்டது.

நேற்றைய நிலவரம்

நேற்று (மார்ச் 13) ஆபரண தங்கத்தின் விலை சவரனுக்கு 560 ரூபாய் குறைந்து ஒரு சவரன் ஒரு லட்சத்து 19 ஆயிரத்து 200 ரூபாய்க்கு விற்பனை ஆனது. கிராமுக்கு 70 ரூபாய் குறைந்து ஒரு கிராம் 14,900 ரூபாய்க்கு விற்பனை செய்யப்பட்டது. வெள்ளி விலை எந்த மாற்றமும் இன்றி ஒரு கிராம் ரூ.290க்கும், ஒரு கிலோ ரூ.2,90,000க்கும் விற்பனை ஆனது.

இன்றைய நிலவரம்

இந்நிலையில் இன்று (மார்ச் 14) 22 காரட் ஆபரண தங்கத்தின் விலை சவரனுக்கு 1,120 ரூபாய் சரிந்து ஒரு சவரன் ஒரு லட்சத்து 18 ஆயிரத்து 80 ரூபாய்க்கு விற்பனை ஆகிறது. கிராமுக்கு 140 ரூபாய் குறைந்து ஒரு கிராம் 14,760 ரூபாய்க்கு விற்பனை செய்யப்படுகிறது.

கடந்த இரண்டு நாட்களில் தங்கம் விலை சவரனுக்கு 1,680 ரூபாய் சரிந்துள்ளது. வெள்ளி விலை கிராமுக்கு 10 ரூபாய் குறைந்து, ஒரு கிராம் 280 ரூபாய்க்கும், கிலோவுக்கு 10 ஆயிரம் ரூபாய் சரிந்து ஒரு கிலோ 2 லட்சத்து 80 ஆயிரம் ரூபாய்க்கும் விற்பனை ஆகிறது.

கடந்த கால தங்கம் விலை நிலவரங்களை அறிய இங்கே கிளிக் செய்யவும்.