அதை பின்பற்றி, 22ம் தேதி பல மாநில அரசுகளும் பொது விடுமுறை அறிவித்துள்ளன. எனவே, தமிழகத்திலும் விடுமுறை அறிவிக்குமாறு அரசுக்கு, பா.ஜ., கோரிக்கை விடுத்துள்ளது.

இதுகுறித்து, தமிழக பா.ஜ., துணை தலைவர் நாராயணன் திருப்பதி விடுத்த அறிக்கை: ராமர் கோவில் கும்பாபிஷேகத்திற்கு, தமிழகத்திலும் பொது விடுமுறை அறிவிக்க வேண்டும். இந்த நுாற்றாண்டின் மகத்தான நிகழ்வை, தமிழக மக்கள் கண்டு களித்து, இறைவன் ராமர் அருள் பெற, முதல்வர் ஸ்டாலின் விடுமுறை அறிவிக்க வேண்டும். இவ்வாறு அதில் கூறப்பட்டுள்ளது.