வேலூர் மாவட்டம், காட்பாடியில் அமைச்சர் துரைமுருகன் நிருபர்களை சந்தித்தார். அப்போது அவர் நிருபர்கள் எழுப்பிய பல்வேறு கேள்விகளுக்கு பதில் அளித்தார். அதன் விபரம் பின்வருமாறு:

கேள்வி: சேலத்தில் கருணாநிதி சிலை மீது கருப்பு மை பூசப்பட்டுள்ளது?

துரைமுருகன் பதில்: யாரோ ஒரு காலி பையன் ஊத்தி இருக்கான் கருப்பு மையை ஊற்றி இருக்கான்.

கேள்வி: புத்தக வெளியீட்டு விழாவில் பேசும்போது, சீனியர்கள் தான் தூண்கள். அவர்கள்தான் சிகரம் என கடந்த முறை பேசியது தொடர்பாக விளக்கம் அளித்துள்ளார். இதை எப்படி பார்க்கிறீர்கள்?

துரைமுருகன் பதில்: நான் பார்த்தேன். அவருக்கு (ரஜினி) நான் போன் பண்ணி பேசினேன். ரொம்ப தேங்க்ஸ் சார் இப்பவாவது மறக்காமல் பேசி இருக்கிறீர்கள் என்று கூறினேன்.

கேள்வி: நீங்கள் செய்த தவறை நீங்களே சரி செய்துவிடுங்கள் என த.வெ.க., தலைவர் விஜய் பேசியுள்ளாரே?

துரைமுருகன் பதில்: ஏன் கேள்வி கேட்பதற்கு கூட அவர் வரமாட்டாரா? எங்களை ஒழிக்க நினைத்தால் சட்டசபைக்கு கூட வர முடியாது.